Прадметам дзейнасці Дзяржаўнага знешнегандлёвага ўнітарнага прадпрыемства «БЕЛСПЕЦЗНЕШТЭХНІКА» з'яўляецца навуковая, вытворчая і знешнегандлёвая дзейнасць (у тым ліку аказанне пасрэдніцкіх паслуг) у дачыненні да прадукцыі ваеннага прызначэння і прадукцыі двайнога выкарыстання, шыфравальных сродкаў (работ, паслуг), сродкаў сакрэтнага атрымання інфармацыі і іншай прадукцыі.
ДЗГУП «БЕЛСПЕЦЗНЕШТЭХНІКА» уваходзіць у склад Дзяржаўнага ваенна-прамысловага камітэта Рэспублікі Беларусь.
ДЗГУП «БЕЛСПЕЦЗНЕШТЭХНІКА» ажыццяўляе сваю дзейнасць з 1995 года. На рынку гандлю ўзбраеннем і ваеннай тэхнікай прадпрыемства зарэкамендавала сябе надзейным партнёрам у сферы рэалізацыі спецыфічных тавараў і аказання паслуг і пастаянна пашырае сферу сваёй дзейнасці.
Паглыбляючы і пашыраючы партнёрскія адносіны, а таксама імкнучыся да пашырэння ўзаемавыгаднага супрацоўніцтва, ДЗГУП «БЕЛСПЕЦЗНЕШТЭХНІКА» прапануе найбольш прымальныя для партнёра ўмовы пастаўкі і формы міжнародных разлікаў з улікам характарыстык тавару, месца размяшчэння карыстальніка, кліматычных умоў рэгіёну, фінансавых магчымасцяў пакупніка і спецыфікі нацыянальнага заканадаўства.
На сённяшні дзень геаграфія камерцыйных адносін ДЗГУП «БЕЛСПЕЦЗНЕШТЭХНІКА» даволі разнастайная. Шматгадовая сумесная праца звязвае наша прадпрыемства з кампаніямі больш чым у 30 краінах свету. Актыўны ўдзел ДЗГУП «БЕЛСПЕЦЗНЕШТЭХНІКА» у рэалізацыі розных праграм ваенна-тэхнічнага супрацоўніцтва Рэспублікі Беларусь з іншымі краінамі спрыяе развіццю міжнародных адносін.
Рэспубліка Беларусь, 220103
г. Мінск, вул. Каліноўскага, 8
Панядзелак - чацвер 8.30-17.30
Пятніца 8.30 - 16.15